بسم الله الرحمن الرحيم
السلام عليكم ورحمة الله وبركاته, بما ان ابوتريكة قال ان اللى عاوز يتكلم فى اى موضوع , يتكلم هنا, فانا بصراحة فى موضوع تعبنى اوى وعاوزة اخد رأيكم فيه.
اكيد كلكم شوفتوا الاعلان الرائع بتاع نورت مصر دة, مش عارفة مين الصبح بيغطس فين, ومين مأنتخ على البحرفى الضهر, وفلان بيتسلق الجبل العصر, وفلانة بتعمل شوبينج خفيف بالليل....الخ.
بصراحة يا جماعة انا اتحرق دمى من الاعلان دة, يعنى الناس فى البلد دى شايفة اللى ماحدش يشوفة ومستحملة اللى يهد جبال,
عيش ومش لاقيين, والعيش اللى الحكومة بتوزعه كله دقيق ابيض وبيجيب امساك وحالته حالة
السلع والاحتياجات الاساسية, وابسط الامور مولعة واسعارها فى السمة ومحدش قادر عليها
البطالة بتزيد يوم عن يوم
الشركات والمصانع اللى اتبنت بالعرق والدم بتتباع برخص التراب
الاكل والمحاصيل مسرطنة ومتنيلة بستين نيلة
الناس وجالها كلها ضغط وسكر وجلطات وقرف من حرقة الدم والسموم اللى داخلة اجسامهم
بقية الناس بقى امة محروقين فى قطارات, او غرقانين فى عبارات, او متعذبين فى سجون ومعتقلات فى عصر الحريات
ودى طبعا كلها قشور من الحالة الرائعة اللى ثلاث ارباع المصريين عايشيين فيها, وبعد كل دة ييجى واحد بمنتهى الاستفزاز يقولك" وانت فين دلوقت", طب بذمتك انت ترد تقولوا ايه
ويقولك الناس كلها بقى عنده الضغط ...من ايه؟ مش عارف من ايه من اللى شايفينه, وكانها مؤامرة, يعنى انت عايش عيشة سواد فى سواد, ولأ دة كمان نكملها بحرقة دم
يلا خلى الناس تموت وتغور ونفضى البلد للناس النضيفة اللى تستاهل انها تعيش لكن احنا لأ............
انا مش عارفة يا جماعة انا مكبرة الموضوع ولا ايه؟ بس هو حارقنى اوى , فقلت اخد رأيكم
ياريت يا جماعة نتناقش فى الموضوع دة
اللهم اخرجنا منها على خير
موضوع: حاجة تحرق الدم.... 
الخميس يوليو 03, 2008 1:21 am
