يا ترى الموضوع ده بيتكلم عن اييييييييييه.....؟؟؟؟؟!!!

بسم الله الرحمن الرحيم

الى كل مسلم ومسلمة، مؤمن ومؤمنة، موحد وموحدة بالله...لا اله الا الله محمد رسول الله..
الموضوع ده يا جماعة يخصنا كلنا وانا تعمدت اني ماحطش العنوان لاني متأكد ان ماكانش حد حيخش يشوف في ايه الموضوع ده..
انا ماعرفش بكلم مين ولا مين اللي حيقرأ اللي انا حأكتبه...لكن أعرف انه حيكون مسلم أكيد...
ايه هي أركان الإسلام؟؟؟ أكيد كلكم عارفينها.........
ايه تاني ركن؟....إقام الصلاة....صح؟؟
طيب احنا لسه ماتفرضش علينا الحج ولا الزكاة...وكلنا بنصوم رمضان وكلنا موحدين..لكن..!!!
مش كلنا بنصلي....صح ولا ايييييييييه؟؟؟
اللي مابيصليش واللي بيكسل انه يصلي الصلاة في معادها وزي ربنا ما فرضها لييه بيعمل كده..؟؟
الصلاة يا جماعة..حيبقى ايه من ديننا لما نسيبها...بصوا ولا حاجة خااااااالص...
الركن لما يتساب ويقع كل الدين يقع معاه..!!!
لما تكون سايب الصلاة وانت في شبابك وبصحتك وفاضي الى حد كبير حتتعود على الصلاة امتى؟؟
لو ماتعودتش على انك تصلي الصلاة في معادها من دلوقتي حتيجي بعد كده لما تنشغل بالدنيا ولقمة العيش مش حتكون في دماغك أصلا ولا حتفتكرها...ينفع كده ساعتها..؟؟
اتعود من دلوقتي عشان بعد كده تكون في دماغك وماتروحش عليك...!!
وبعدين في حاجة بقى....مافيش حجة حتمنعك من انك تصلي..لو ماتقدرش تقف اقعد مش قادر نام مش عارف تتحرك بعينك مش عارف بقلبك...لما تموت ماتصليش بقى..!!!
مين مننا ماعندوهوش ذنوب وغارقان فيها..؟؟ ماحدش..طيب كلنا عايزين نشيل حبة من الذنوب اللي علينا...أقوللل رووووووووح صلي..
قال الله عزوجل( اقم الصلاة طرفي النهار وزلفا من الليل ان الحسنات يذهبن السيئات)
لما تكون انت بتستحمى في اليوم خمس مرات ممكن تكون مش نظيف؟؟؟
قيس دي على الذنوب والصلاة.....وصلي على سيدك النبي عليه الصلاة والسلام واسمعه يقول..
(أرأيتم لو نهرا بباب أحدكم يغتسل منه كل يوم خمس مرات هل يبقى من درنه شئ؟ قالوا: لا يبقى من درنه شئ، قال:فذلك مثل الصلوات الخمس يمحو الله بهن الخطايا)صدق المصطفى صلى الله عليه وسلم..
انت عارف بقى ان ربنا يوم القيامة مهما عملت من حسنات وثواب مش حيقبلها منك ولا حتنفعك الا لما تكون بتصلي صح...ده مش كلامي ده كلام سيد الخلق عليه الصلاة والسلام...(أول ما يحاسب به العبد يوم القيامة الصلاة فان صلحت صلح سائر عمله، وان فسدت فسد سائر عمله)
انت لما تكون بتحب شخص جدا والدك والدتك صاحبك أي حد...وتعرف ان في حاجة هو بيحب انك تعملها حتعمل اييه؟؟؟ ولما تكون الحاجة دي أكتر....أكتر هه...حاجة بيحبها؟؟؟.........رد انت...
.ثم اقرأ بتأني الحديث اللي جاي....
سأل عبد الله بن مسعود النبي صلى الله عليه وسلم:أي العمل أحب الى الله؟ قال:الصلاة لوقتها..)..
صدق الحبيب محمد صلى الله عليه وسلم...
لو مسلم يبقى بتحب ربنا اللي خالق الكووووووون كله واللي بيحب منك الصلاة في معادها...
لو بتحب ربنا حقيقي............روح صلي بقى...!!!
وجزاكم الله خيرا...
والسلام عليكم ورحمة الله وبركاته...

الله يفتح عليك فعلا موضوع راااااااااائع

التوبيك رائع ومميز والله

جزاك الله خير

الى الرميساء وMnMn جزانا الله واياكم وجعلنا من المحافظين على الصلاة دوما يارب ان شاء الله...

ربنا يجازيك كل خير

ربنا يثبتك ويجعل كل حرف ان شاء الله في ميزان حسناتك

راااااااااااااااااااااااااااااااائع جدا جدا

اللهم تقبل صلاتنا
معلش انا ليه تعليق في حديث < ان اول ما يحاسب عليه العبد> ناقص حرف في< فسد>

أظن ان ردى ليك مش حيكون أحسن من انى صلحتلك الخطأ اللى قالت عليه الملكة
بس بجد موضوع مؤثر
وربنا يوفقك

وعموما الروش فى الخدمة دايما

بارك الله لك

ربنا يكرمك ويبارك لنا فيك

ربنا يثبتك ويعزك يارب

امين يارب ان شاء الله....
ومتشكرين ياروش...